魂 (已結業)

嚟到太子附近上堂，去一去出名多嘢食嘅西洋菜北街揾食。见到有间拉面好似几地道，入去试下拉面选择唔多，见到相有款系绿色汤底几新奇㖞，试一试佢，另外都追加咗一份饺子。都等咗好一阵子，终于上饺子炸到好硬食落亦无咩特别，而且都几细粒，廿几蚊真系唔系好抵。食完再等多阵，主角嚟喇呷一口汤底先，无平时豚骨汤嘅腻感，仲有点清新，可以饮多几啖（我平时食拉面只饮到一两啖，因为太腻）最顶有一小堆蟹肉同鱼子，系好鲜味嘅，不过就比较少。食完呢啖精华，其他配料就显得非常平凡，薄到无得再薄嘅叉烧一片，蟹柳棒，粟米，完全生嘅甜豆同一条芦笋真系唔值呢口价啰。无错个汤底系唔错，有豚骨汤嘅厚度但亦有蔬菜嘅清新，可惜啲料实在太普通，索价$99 亦有点太过。