頹飯 (已結業)

喺中环食饭，晏昼好多人。喺附近行过，见到呢一间叫颓饭嘅外卖专门店，个价钱好似好OK，个餐牌都唔算太颓，就决定食呢间啦。呢间颓饭午餐竟然有黑椒牛仔骨，其实都唔算太颓。落完单之后，都大约等左20分钟，见到都系即刻落单即刻整，里面得两个厨师，好多人落单嘅话就会等好耐先至有得拎外卖。𠮶个牛仔骨调味啱啱好，净系食牛仔骨嘅话，就会咸左少少，配埋啲饭就啱啱好。个黑椒汁入面仲有青瓜同粟米，有少少蔬菜叫做比较均衡。因为我个人唔系好钟意点汁， 所以冇将啲牛仔骨点落个汁度， 唔知个汁系咩效果。不过个牛仔骨嘅份量比较少，唔够送饭。可能而家物价太贵啦，啲牛仔骨都可能好贵。 总括来讲，我觉得呢间小店都几有心思，真系即叫即整，唔系𠮶啲一叮就食得嘅饭。同埋有啲蔬菜都几健康。