正宗雲貴川 (蘇杭街) (已結業)

上环工作四维揾野食之，所以今次就我同事食辣野。不过我比旧同事荼毒得多，都开始钟意食辣XD。第一次食无影野食但有影饮(唔惯相机食先)，叫麻辣猪扒小辣加上海面小辣，饮脆爆华田。麻辣猪扒有麻味好正，但一D都唔辣，其实我唔算食得辣既人，都觉得唔辣。我谂除咗完全唔食辣既人外，应该都顶得顺，唔以见佢咁红，但真心唔觉辣。(希望唔系我比荼毒得多劲咗XD)上海面感觉唔太夹，应该系我选面既问题。脆爆华田就一般，但我同事话脆爆奶茶好正。返到公司感觉到喉唔到肺咁，决定再试。第二次再战，叫咗口水鸡中辣加汤薯粉中辣，饮脆爆奶茶。口水鸡无得顶，上面超红见到有D怕，谂住今次死紧，唔应该叫中辣，点知食落口只系一般小辣，好正。而脆爆奶茶真系好饮过脆爆华田，因为D脆爆本身系华田味，加入华田就无特别，但加奶茶就好正。今次叫汤薯粉好味过上海面好多。