響 居酒屋 (已搬遷) 新店位置

之前系「丰盛」既时候已经想黎试下，一直都冇时间，终于安排到时间竟然转左做「响」。同朋友摸到上楼已经迟左几个字，地点真心远，地下个大字「响」其实就唔大又唔光，不过夜晚 同一条街冇乜光，先睇到，haha。可能位置关系，星期四晚冇乜人，2个人坐6人大枱，窗边虽然冇乜景但胜在舒服。一睇个餐牌，不得了真系不得了，但唔记得影相。。。68蚊鱼生饭，78蚊三色鱼生饭，完全系正常价，mega box既日式lunch 咁上下，好开心地拣左葱吞拿鱼腩海胆丼，晚上6点后仲有8折，真系觉得好抵。吞拿鱼腩蓉唔太肥，拌葱后几好口感，海胆好新鲜，真系有甜甜地既味，朋友要左三色刺身饭，有吞拿鱼拖罗，十分满意 甜品个雪糕，只有朱古力同绿茶，各要一份，食得出唔系「行」货，朱古力雪糕有朱古力粒粒，绿茶雪糕有回甘。朋友仲话，呢到坐得舒服，食物有水准，同旧同事食饭一定黎呢到。出街食饭就系想要呢种餐厅炸嘛，系咪？