影片
更多
2009-01-04
14 浏览
久仰大名，难得可以劝掂班懒鬼入黎好吊脚既红磡，未出发先兴奋^^都唔算太难揾既，不过经过一间路边式大牌档/茶餐厅，个名明明叫x记，佢中间都加左两个细细既『老坑』字样…混淆视听…地方好光猛，明显扩张过...有电视睇~点左个蕃茄蟹锅汤底，唔系等左好耐就上台~只蟹又确实唔系咁大只，但系D料又真系好多~试左几啖个汤，真系甜既…不过之前你地话系靠茄汁茄膏，所以都唔系好惊喜喇…五个人，分几次点左：本地手切牛肉雪花肥牛猪喉咙拼猪脚筋八爪鱼拼鱿鱼鸡子拼鹅肠四宝丸 x2椰菜饺拼韮菜饺云吞拼水饺(劲唔想叫，但系饭局中有一人对饺类情有独钟)x2双炸 (炸鱼皮，油炸鬼)两款牛肉各有 fans，我就钟意雪花肥牛，钟意佢溶左系口，同埋D肉好香~ 本地牛都好，朋友话佢肉味丰富D~猪喉咙几爽几得意，但系少少似橡筋…猪脚筋要炆大半个钟，我就食唔到喇，但系有食既朋友都话唔错~ 似牛筋，不过煲得耐左有好多都揾唔返~~四宝丸好细粒，但系真系好食~ 虾丸特别弹牙，虾味都好丰富，好明显系手打同机制既分别~ 牛丸同鲮鱼丸都好味，冇沟粉，原汁原味^^鹅肠听讲好好食~~ 我特别钟意个油炸鬼，索哂D汤都仲脆脆地…(但系打边炉叫油炸鬼俾人串
都唔算太难揾既，不过经过一间路边式大牌档/茶餐厅，个名明明叫x记，佢中间都加左两个细细既『老坑』字样…混淆视听…
地方好光猛，明显扩张过...有电视睇~
点左个蕃茄蟹锅汤底，唔系等左好耐就上台~
只蟹又确实唔系咁大只，但系D料又真系好多~
试左几啖个汤，真系甜既…不过之前你地话系靠茄汁茄膏，所以都唔系好惊喜喇…
五个人，分几次点左：
本地手切牛肉
雪花肥牛
猪喉咙拼猪脚筋
八爪鱼拼鱿鱼
鸡子拼鹅肠
四宝丸 x2
椰菜饺拼韮菜饺
云吞拼水饺(劲唔想叫，但系饭局中有一人对饺类情有独钟)x2
双炸 (炸鱼皮，油炸鬼)
两款牛肉各有 fans，我就钟意雪花肥牛，钟意佢溶左系口，同埋D肉好香~ 本地牛都好，朋友话佢肉味丰富D~
猪喉咙几爽几得意，但系少少似橡筋…猪脚筋要炆大半个钟，我就食唔到喇，但系有食既朋友都话唔错~ 似牛筋，不过煲得耐左有好多都揾唔返~~
四宝丸好细粒，但系真系好食~ 虾丸特别弹牙，虾味都好丰富，好明显系手打同机制既分别~ 牛丸同鲮鱼丸都好味，冇沟粉，原汁原味^^
鹅肠听讲好好食~~ 我特别钟意个油炸鬼，索哂D汤都仲脆脆地…(但系打边炉叫油炸鬼俾人串同闹>.<)
鲛类冇特别，系特别黐底 黐左底我地问可唔可以换过个煲， d staff都好快手~
其实个餐牌有好多野拣架，但系花多眼乱，
下次应该试多几款海鲜类啦，同埋D奇奇怪怪different parts of 猪~
开左四支啤酒，埋单970
满足，好想有下次，可以试下佢D骑呢野
不过唔会再叫个蟹锅，试过就好喇^^
张贴