紅番茄餐廳 (已結業)

是咁的，小弟十万年都唔写一次食评，一系唔食一写就只会系两种情况，一系间餐厅真系太好，希望多啲人去支持下，二系真系太衰，唔希望人去中伏，呢间属于后者。话说小弟去食lunch行过系门口见佢企企理理，环境比同区其他餐厅整理，咁就行入去食。点知入到去，原全冇人理我，应该系一个待应都唔见，我自己揾个位坐，坐底等左5分钟都冇人比餐牌同水我，最后我系要自己去问格离台攞。跟住，打算揾个待应落单，所以我立即主动出击，大叫一声「待应」，可能我太霸气，终于有人回应我一声「系黎紧」。说时迟那时快，有个着住T-shirt,短裤既金毛Mk肥仔出现，「喂，食咩?」，我真系一时比唔到反应，就求其叫咗个D餐加莎律再加汤。个餐冇记错就系自制咖哩牛肋骨条，但系黎到既时间就知出事，𠮶个跟本唔系咩咖哩牛肋骨条，而系咖哩牛腩，你当我傻的吗?我唔识分咩系牛腩?重要得三旧?重要得5蚊银咁大个?但都值$43? 个汤都唔好得好多，个忌廉汤净系忌廉加水加盐加罐头蘑菇，得个咸字，一啲鲜甜味都冇。如果你想试下世上最难饮既忌廉汤呢到帮到你。不过公平啲讲，唯一食得落口系个蒜蓉包。个杂果沙律都只系同一般茶餐厅既一样，不过不失。埋单时系出去埋，我系