仰光粉麵店 (已結業)

好少见到香港有缅甸菜式既餐厅，所以兴致勃勃咁走去试下。我叫咗个缅甸自选双拼汤面 ($56)，拣咗扎肉同鱼丸。除咗我拣个2样𩠌之外，个面入面仲有有蛋、猪红同肉粒。个汤底既色好似叻沙，第一啖饮落去有好浓既椰浆味、甜甜地。但成个汤面食落去就只系得个甜字，而无其他味。就算我落咗辣椒粉落去都完全食唔出，因为个个汤椰浆味太甜而掩盖哂其他野。啲𩠌都似系烚完就咁放入个面度，完全无味。所以食食下真系觉得愈黎愈黎难食。虽然我未试过呢间餐厅既其他菜色，可能其他野会正常啲。但好肯定既就系呢个缅甸汤面真系好伏，如果系专程想试缅甸菜既人一定会失望而回。