城市匯 (已結業)

其实间餐厅嘅环境同埋服务态度都非常之好。可惜食物欠佳。首先餐牌来讲用嘅食材都唔系比较便宜。 不过可能如果有心做嘅话有机会住得好嘅。只不过本身食材都唔系一啲高价嘅嘢，但价钱就有啲高啦。首先嗌左个柠檬汁蚬肉意大利饭。啲汁真系好多。成碟野好似粥仔咁。卖相差。不过饭嘅口感系OK嘅。但系可能落得太多柠檬汁啦。真系好酸。可能我唔识欣赏，但我唔钟意。因为真系好似比柠檬汁盖过所有野。我哋叫咗个乳猪。佢话份量系比两个人食嘅。但系使到即使系两个女仔，都会唔够食。首先个猪仔想脆唔脆咁。冇肉。只得肥膏。伴碟嘅沙律唔新鲜。卖相差。又叫咗个大虾Pesto意粉。觉得冇咩特别。卖相平平。其实自己屋企都做得到。可以话OK嘅，但完全唔值呢个价。最后叫咗个羊。分量都系好细。味道亦唔算特别。卖相已经系咁多只之中最好嘅。都系果句啦，唔值呢个价。但系起码食落口系几好嘅。总括来讲，价钱实在太高啦。食物嘅质素，味道，同卖相对唔住呢个价钱。基本上试一次就够。