壹火鍋

营业中

休息中

已经食过几次，呢度嘅鸡煲几好食，啲鸡肉好嫩滑，非常入味。虽然之后用嚟放汤，个汤底未必好味，但系可以自己加配料，整一个好好味嘅汤底。佢可以追加嘅所谓靓牛肉，试咗第一碟，相信你都知道可以唔使追加，本身嘅肥牛已经好好味。其他可以点嘅配料，例如五花腩肉，墨鱼滑，虾滑，全部都水准OK，基本上唔需要再加钱再追加其他嘢，不过今次见大家推荐海鲜船，好奇心之下都叫咗一次。不过我就非常之唔好彩，当时鲍鱼卖晒，佢同我转咗带子，但系带子非常之薄，亦都唔系好新鲜，所以望到海鲜船嘅时候，不期然感到非常失落。如果嚟呢间我会推荐嘅系出面可以自己夹嘅鱼腐、炸墨鱼条、粟米同蟹柳，虽然好简单嘅食物，但系用嚟打边炉真系好好食。