新泰東南亞餐廳

营业中

休息中

公司年尾黎呢度聚餐。公司请食饭，一行十人，一早订左枱，可能收工后先黎，唔洗等就可以直接入。咁我地就叫左好多野，待应都回覆左一次，之后亦都加左几次单，不过有啲食物，我地加左2次单后都未黎，问佢地又话有落单，转头话厨房整紧（𠮶阵比开始小人，吉枱比较多）到又食得7788，再叫多轮，同时又又再问佢地，佢地都系咁答，到差唔多食完，先送黎比我地，跟住话漏单呀𠮶啲藉口，最后𠮶2碟只系食左小小，觉得比较浪费啰。食物质素其实唔错，几好食。推荐虾炒金边粉，烧西冷牛扒，串烧等。最正系街边猪肉串，我地叫完一碟又一碟👍👍👍另外有样觉得比较奇怪，唔知系咪夜左啲，定佢地就收工。如我地叫个肉碎生菜包，跟黎既生菜得几块。我地觉得唔够食想要多啲生菜，一碗生菜就十几蚊。但系另一个并盘（包埋生菜包既）就跟多好多生菜（亦系迟黎既其中一款，食左唔够半碟）个量同我地单叫生菜包同附加生菜差唔多。如果唔计以上问题，其实唔错。不过可能人多，叫野多，预到既问题亦多。有感而发，少人啲既时候，可能会再去。