影片
更多
2018-05-23
745 浏览
一向唔钟意食西餐，因为晌香港食西餐无过千都唔会好味，而且就算过千都要撞手神，同一间餐厅都唔系次次得。而今次呢间呢，埋单人头$2000，而且野食即使未到难食，都真系非常一般。但我都会推介可以至少去一次，因为佢既诚意唔系源自食物，系间餐厅既装修、装饰、细节、服务同佢安排既表演。今次首先睇下食物以外既野：餐厅入面真系整到好似50-60年代D舞厅咁，而且连餐具同餐桌面既摆设都好靓。连Washroom 入面都非常之特别，即使系Gents 呢面都有香水同Lotion 供应。好多餐厅酒吧都有Live Music，但有时都会几嘈，好似Amigo ....但呢度既Live Music 系Jazz为主，好Relax 好舒服。主唱好听就一定啦，但佢连伴奏𠮶两个西人都弹得好好听!! 而且连D音乐都好似令你置身50/60 年代咁，全部野夹埋真系好正~! 可以去呢度听下我当日录既少少音乐：https://instaud.io/2dihhttps://instaud.io/2dik除左西人表演，仲有本地人主演既一个小小音乐剧。个女主角把声好特别好好听。到讲返野食。其实少食呢D高级西餐，普通人(包括我)真系唔知自己
餐厅入面真系整到好似50-60年代D舞厅咁，而且连餐具同餐桌面既摆设都好靓。
连Washroom 入面都非常之特别，即使系Gents 呢面都有香水同Lotion 供应。
好多餐厅酒吧都有Live Music，但有时都会几嘈，好似Amigo ....但呢度既Live Music 系Jazz为主，好Relax 好舒服。主唱好听就一定啦，但佢连伴奏𠮶两个西人都弹得好好听!! 而且连D音乐都好似令你置身50/60 年代咁，全部野夹埋真系好正~! 可以去呢度听下我当日录既少少音乐：
https://instaud.io/2dih
https://instaud.io/2dik
除左西人表演，仲有本地人主演既一个小小音乐剧。个女主角把声好特别好好听。
到讲返野食。其实少食呢D高级西餐，普通人(包括我)真系唔知自己食紧乜，不过好在佢有贴心Service：就系每上一碟佢都会同你讲究竟系乜黎。以下就系当日Menu :
餐前面包，好睇，正常味道。一定好味过街边面包舖、嘉顿餐包，但对比起好味既餐前包仲有一大段距离。
开胃菜：唔算好味。因为我食完都唔知系乜，系见到入面有几片蕃茄仔。
前菜
24 浏览
0 赞好
0 留言
前菜：Sea Bass Tartare：对西餐无乜研究，真系唔识解说，不过呢个就几好味。
主菜1：Macaroni 酿松露加鹅肝：松露加鹅肝，Macaroni 上面有轻轻烤过既芝士粉，再加埋D Source。一睇以为又邪恶又好味，点知四样味道浓烈既野沟埋一齐变左味擂争霸，都唔知自己食紧乜味。D味道唔系一层层黎，系一黎就沟埋晒...真系有少少浪费食材。失败!
主菜2：Veal Tenderloin：好在呢个牛都都几好味，而且火喉仲控制得好好，切开入面仲系可遇不可求既粉红色呀!!
Pre-dessert : 应该系想食完主菜之后帮你Refresh下个口，所以有少少青柠味加Vanilla Cream, 酸酸甜甜的确系做到Refresh既效果，但味道就一般啦。
甜品 Rum BaBa：呢个真系全晚最令人失望既东西：好甜好甜既包 + 糖浆 + Cream，再倒D Rum酒落去 -- 妈呀，传统既法国甜品俾佢整到好难食呀~!望望附近几台，无人食得多过一半!!!
Macaron：最后仲有送Coffee Tea 既Macaron，正路野。睇落都几精致。
总括黎讲，呢间系一间好正宗既西餐厅：面包 --> 开胃菜 --> 前菜 --> 主菜 --> Pre-Dessert --> Dessert --> 点心 --> 咖啡/ 茶。 真系成个流程出晒黎，唔会太饱，亦唔会唔够饱，奈何食物质素认真麻麻，如果抱住食好西既心态黎就真系会喊住走。
之但系，加埋佢餐厅既环境、气氛、表演同服务，晌度食一餐又真系好Relax (我第一次食餐饭3个半钟而唔觉得闷)；即使D野摆明唔好食，仲收呢个价，我都觉得系值，而且仲会想去多次。
食完呢餐真系又矛盾又迷茫：
1. 唔好食，但我会想去多次
2. 想佢好味D，但如果连野食都好好味，我惊到时要$3000一位
3. 餐厅既灵魂究竟系食物，定还是其他?
张贴
