宜家家居餐廳及咖啡室

营业中

休息中

今日想讲一个唔好太高估自己嘅故事。话说放lunch个阵去咗宜家家私食嘢。虽然好多人排队，但胜在够平，排队速度相当顺畅，话咁快就到我。我见佢有个新出嘅小食拼盘，类似平价版all day breakfast ，战战兢兢拎左一试，原本拎左个$7粉，谂谂下太heavy都系算数。小食拼盘包括有四只鸡翼、四条蜜糖肠、两块薯饼、同粟米杂菌。初初以为自己一个搞得掂，点知越食越觉得唔对路，鸡翼窿得来又油油地，两块薯饼够脆但好济，唯一最易入口系粟米，杂菌冇咩味道。四条蜜糖肠至难啃，虽然咬落去爆汁，皮脆肉嫩，但四条真系好腻，完全高估左自己可以一个人食得晒，估唔到油济到咁。 最后系我唔浪费既精神下啃剩半条肠，𥄫一𥄫隔离𠮶位女士，枱面有一碟小食拼盘、一碟肉丸薯蓉、两只鸡翼再加一件蛋糕，见到都不禁倒抽一口凉气。奉劝各位唔好自己一个人食小食拼盘，都系同人share把啦。