肯德基家鄉雞 (KFC)

营业中

休息中

今晚早放工，于是同老婆去咗APM行一阵，顺便睇吓有咩食。行咗一阵都谂唔到食乜好，见好耐无食过KFC，于是就行去食。今次点了个二人餐，再加个咸蛋黄炸鸡翼。先讲个二人餐，啲炸鸡个味道偏咸，而且啲鸡胸肉好「鞋」口，唔好食。反而佢个烧鸡就几好味，有点意外。然后到个咸蛋黄炸鸡翼，又系得个咸字，唔得。而最重点系个蘑菇饭，以前觉得好好食，啲汁好香同都几多蘑菇，但今次啲汁偏少而且蘑菇都系唔够，同以前差好远。虽然食物比以前差，但始终系快餐店，都唔会有太高期望。反而重点系完全零服务，入到去好多张枱都系上手食客食完嘅食物同餐盘，根本就无人执，喺咁嘅环境吓食嘢真系完全唔掂，整体嚟讲都几失望。