影片
更多
2015-12-16
1668 浏览
是咁的，我哋两个人，佢叫我哋入去坐卡位。可能因为时间尚早，所以系松动嘅。我哋叫咗2个煲仔饭餐，一个系黄鳝，一个系扇贝。跟餐有油菜同埋老火汤。老火汤，ok嘅，几好饮，街嘅standard，唔会旨意冇师傅，但系唔会太犀利。油菜，多油，但啲生菜好食嘅。好啦，煲仔饭，佢唔系用瓦煲，系用啲黑色果种唔知咩煲（见图）。煲底系有啲饭焦，但系冇啡色嘅。食落去硬到一个点… 我朋友收尾直情胃痛，佢话因为啲饭焦太ung胃。焦香：0 硬到吞咽困难：1。 黄鳝煲仔饭：好少黄鳝啰，我敢肯定去第二间人哋唔会咁吝啬啲黄鳝。唔知系咪阿姐落唔够豉油，唔系好够味。不过啲豉油都过甜，唔好食嘅。木耳就好多，黄鳝？夹几下无晒。成煲嘢唔系好食啦总之。带子煲仔饭：带子鲜甜好食。得三只。下面啲粉丝系干同埋硬嘅。erm好多饭，好少𩠌。老老实实，去长洲呀酒楼呀就咁蒸带子都唔会咁少啦系咪呀。跟住开始嚟料啦。啲嘢食上枱咁耐，啲伙记问足我哋咁耐只碗碟用完未，食完未。心谂，我啖汤系留低用嚟送口架㖞阿叔，我比咗钱架㖞，系咪我饮到一半要收起佢倒咗我碗汤呀？唔够碗碟去附近舖头买几只丫，有几贵呀？？？食咁耐就俾佢啲伙记骚扰咁耐。不停要攞走碗碟。我都开始
我哋叫咗2个煲仔饭餐，一个系黄鳝，一个系扇贝。跟餐有油菜同埋老火汤。
老火汤，ok嘅，几好饮，街嘅standard，唔会旨意冇师傅，但系唔会太犀利。
油菜，多油，但啲生菜好食嘅。
好啦，煲仔饭，佢唔系用瓦煲，系用啲黑色果种唔知咩煲（见图）。煲底系有啲饭焦，但系冇啡色嘅。食落去硬到一个点… 我朋友收尾直情胃痛，佢话因为啲饭焦太ung胃。焦香：0 硬到吞咽困难：1。
黄鳝煲仔饭、扇贝煲仔饭、油菜
$170
66 浏览
0 赞好
0 留言
带子煲仔饭：带子鲜甜好食。得三只。下面啲粉丝系干同埋硬嘅。erm好多饭，好少𩠌。老老实实，去长洲呀酒楼呀就咁蒸带子都唔会咁少啦系咪呀。
跟住开始嚟料啦。啲嘢食上枱咁耐，啲伙记问足我哋咁耐只碗碟用完未，食完未。心谂，我啖汤系留低用嚟送口架㖞阿叔，我比咗钱架㖞，系咪我饮到一半要收起佢倒咗我碗汤呀？唔够碗碟去附近舖头买几只丫，有几贵呀？？？
食咁耐就俾佢啲伙记骚扰咁耐。不停要攞走碗碟。我都开始燥底话未饮完未食完。
之后仲离谱，话出面有人等四人卡位㖞，似系想逼我哋走。我咪同佢讲，卡位坐4个人，我知，我唔介意两个坐埋一边，但系我哋未食完。我真系怒火中烧，我哋两个唔系坐得耐，其他食客都系食差唔多时间。我哋冇意欲坐系度霸住你个位去到2046，但系我 哋 仲 食 紧，你 唔 可 以 赶 我 哋 走！ ：＠
离晒大谱！我咪同我朋友讲，慢慢食。我未食完我唔会走。
埋单时佢俾咗两张coupon话尖沙咀新店开张。我劈头话，唔使架喇，你咁赶人走我系唔会再来嘅。
总结：喺度食，嘢食唔抵兼唔好食，三个字：贴钱买难受。
永远冇下次，除非你有自虐倾向钟意俾钱俾人赶走。
题外话/补充资料：
低质素食物，差劣服务。同样价钱喺第二度已经可以食得好开心。
(以上食记乃用户个人意见 , 并不代表OpenRice之观点。)
张贴
