瑞士咖啡室 (已結業)

所谓「新屎坑三日香」，有新舖当然要凑下热闹。咁啱见到有人喺将军澳个FACEBOOKGROUP到讲明德有间新嘅餐厅，咁就紧系要去试吓啦！约咗他系坑口等然后一齐行过去，入到明德商场，离远都见到有一大班人围住一间舖嘅门口，目的地即刻非常明显！埋去问个姐姐拎咗飞等位之后，居然要等成廿几张枱咁多，究竟间嘢可以有几好食，令到一间冰室都可以派咁多张飞？正想离开嘅时候就听到有人讲：「啲优惠券今日用唔到㖞，迟吓先食啦！」笨安妮即刻话：「我哋等啦！」唔使半个钟，就已经有位啦！间舖都几细，啲位一眼睇晒！而个招牌都相当有趣，成个舖名都系用麻雀砌出嚟，唔知一共用咗几多副麻雀呢？老板系咪好钟意打牌？望吓个餐牌，真系吓到有少少跌咗系到，系一个街坊商场入面竟然会有啲咁贵嘅嘢食，「捞公仔面餐」跟杯嘢饮竟然要成40几蚊，我就睇下你有几好食！咁安妮与他，就各自叫咗一个「瑞士鸡翼捞公仔面」同「滑蛋肉片饭」。（其实其他嘢食价钱都OK，系笨妹死命要叫捞面。）瑞士鸡翼捞公仔面 加饮品$42额，揾条菜望吓都无，张相唔执，只会见到白色碗载位一堆黑色嘢。（其实执完仲奇怪，因为唔识执。）呢个面一共有两只鸡全翼，成碗面就大约有1个半面左右。