相馬日式火鍋 (已結業)

朋友话食过呢间印象好好（不过系另一分店），就介绍呢间。第一次来这间食店。本满怀期待，加上标榜无限时任食，已经有第一好的想象。由于第二日系假期，同朋友一齐无限时任食聊天，理应是人生乐事。这日式火锅食店嘅特色，就是可以先食鸡煲，再来茶碗蒸，再来蒸锅海鲜，最后是火锅。食物质素是OK的，不过成间咁大嘅舖头，好似就得三个侍应，而且好似唔系好熟手，多台客不停追问侍应问几时才有下了单嘅食物送到？蒸锅海鲜几时送到？追了多次都系回应「整紧」，就连火锅用的豉油都追过几次，话时话，啲豉油死咸，没有鲜味。手机落单又混乱，该送来的没有来，隔篱枱啲食物，有时送咗嚟我哋枱，我哋枱啲食物有时又送咗去隔篱枱，成晚就喺度追食物。见到其中有一枱人同我哋一样系咁追食物，追极都仍然得个等字，最后（我估计呢枱人都唔够1小时）就成班起身走人。非常无奈。自助取食物𠮶方面，配料⋯例如菜类就嚟无晒，唔会添加，豉油冇晒，又要等好耐追好多次先有。第一次老远咁嚟食呢餐，话就话系无限时任食，但系成个时段不断追食物和等食物，断断续续咁样食好唔舒爽！令到我瞌眼瞓，所以忍唔住要写呢一篇负评，因为整体嘅感觉的确不良好，只有一样嘢最满意，就系雪糕雪条任食