影片
更多
2015-03-10
2578 浏览
最近成日都天阴阴咁，好耐冇见过太阳了，难得一见，就出黎晒下啦 听闻【生记】嘅鱼汤系上环一绝，早就想黎试下喇，就今日啦～中午12点几，午饭时间。。。。。。又唔系喺哩头返工，我早唔黎迟唔黎，点解系哩个时间架 老婆话好肚饿啊。算，排队。。。其实我仲点咗其他野食的，但我后叫嘅【鱼腐米线】俾我嘅印象太深刻喇，所以我特登开多个食评，去记录今次嘅经历叫完，等咗5分钟左右就上台了～ 嗯。。。碗汤颜色怪怪地。。。。。。识煲鱼汤嘅都知道，煲汤之前先煎煎条鱼，放姜，条鱼够新鲜，碗汤就会呈现出一种好自然嘅，带淡黄嘅奶白色，就算唔白都一定好饮（其实如果条鱼新鲜，你冇拣啲古灵精怪嘅鱼，唔系急冻鱼，汤嘅颜色想唔白都难）但哩碗汤嘛。。。个颜色白得黎好唔自然，白色，但又有啲透明。。。。。。我想咗一想，得出一个结论。。。如果唔系因为厨房加米线落鱼汤度嘅时候完全冇隔走啲水，赶唔切咁就咁倒落去，咁就应该系啲汤沟咗水啰。。。。。。如果系因为前者嘅原因，咁我嘅评语就系个做厨房嘅好唔专业，好好一锅白白嘅靓汤都俾佢搞成咁，炒咗煮米线条友去啦！！！但如果系后者嘅原因。。。。。。人地铺头生意太好，鱼汤准备唔够，冇理由有生意都唔做架，咁有
中午12点几，午饭时间。。。。。。又唔系喺哩头返工，我早唔黎迟唔黎，点解系哩个时间架 老婆话好肚饿啊。算，排队。。。
其实我仲点咗其他野食的，但我后叫嘅【鱼腐米线】俾我嘅印象太深刻喇，所以我特登开多个食评，去记录今次嘅经历
叫完，等咗5分钟左右就上台了～ 嗯。。。碗汤颜色怪怪地。。。。。。识煲鱼汤嘅都知道，煲汤之前先煎煎条鱼，放姜，条鱼够新鲜，碗汤就会呈现出一种好自然嘅，带淡黄嘅奶白色，就算唔白都一定好饮（其实如果条鱼新鲜，你冇拣啲古灵精怪嘅鱼，唔系急冻鱼，汤嘅颜色想唔白都难）但哩碗汤嘛。。。个颜色白得黎好唔自然，白色，但又有啲透明。。。。。。
我想咗一想，得出一个结论。。。如果唔系因为厨房加米线落鱼汤度嘅时候完全冇隔走啲水，赶唔切咁就咁倒落去，咁就应该系啲汤沟咗水啰。。。。。。
如果系因为前者嘅原因，咁我嘅评语就系个做厨房嘅好唔专业，好好一锅白白嘅靓汤都俾佢搞成咁，炒咗煮米线条友去啦！！！
但如果系后者嘅原因。。。。。。人地铺头生意太好，鱼汤准备唔够，冇理由有生意都唔做架，咁有原则做咩，又唔可以当饭食，反正自己唔系第一个，亦唔会系最后一个，又有乜所谓wo～～～
我冇兴趣知系咩原因，所以我冇去问佢地，𠮶刻我净系想知道碗汤嘅味道如何，话唔定人地识变魔术呢～ 我饮咗一啖。。。。。。当然神迹并冇发生（咁嘅颜色都好饮我仲惊，都唔知佢地加咗啲乜落碗汤度，好彩一切正常）可以饮得出有淡淡嘅鱼味，味道偏淡，落唔够盐（？），鱼香味好淡，绝对唔难饮，但冇乜好饮啰。。。冇鱼腥味系唯一优点
试试啲米线先。。。淡，好淡，米线本身淡好正常，罪在于汤，但啲米线淡得黎又煮淋咗wo 又淋又冇味点食呀！ 咁我当然蠢唔晒，我识加调味料嘅。。。。。。
唯一希望就放咗喺啲鱼腐度，其实话就话叫鱼腐，但睇落似煎炸过嘅鲮鱼球，大大件，卖相都几讨好吖 试下味先。。。嗯，味道的确有啲似鲮鱼球，入面有少少葱，鱼味几足，味道对板，唔系话特别好食，但都算系食得过了
碗米线几钱我已经记得唔系好清楚了，30几蚊呱。。。反正以一份食物黎讲，味道永远占一个非常重要嘅位置，碗野都唔好味，价钱几便宜都冇用啦！
P.S. 非常遗憾，我叫咗嘅其他野食，味道都系偏向劣评的。。。。。。
张贴
