傷心酸辣粉 (裕景坊)

营业中

休息中

入元朗做物理治疗，顺便在附近揾食，有朋友好钟意，自己未试过，故入内一试。心多多，样样想试，怕食唔晒，故叫了一酸辣粉，一碟例牌口水鸡。卤香牛肚酸辣粉$36(6/10)~另加了$7要了罐可乐，叫了BB辣，材料有些肉酱，花生，炸菜，牛肚丝，花生够脆，牛肚丝切到1~2mm厚，太薄了，冇口感，入口全冇牛肚味，汤底太咸，食到尾真有点顶唔顺。口水鸡$50 (7/10)~要了上例即鸡翼位，下例鸡脾要$68，份量一般，鸡肉算滑，连汁几惹味，好过碗粉。埋单$93，一人午餐算好贵，而且一般饱，好快肚饿。