丸亀製麵 (已結業)

今日系乐富行街，行到食晚饭时间系乐富见到依间餐厅未试过，今晚就试下。    入到店内，见有好多座位，所以直接行去点餐，我前面有位哥仔慢慢点左两个面，企左四分钟，之后到我点左个豕肉乌冬（大）$46，我再前行又等同一位哥仔点完佢两件天妇萝，之后我点左胡麻鸡件同海老天妇萝$20，加罐可乐$8，加埋$74，不过我前面位哥仔同店员争论优惠既问题，我攞住碗有汤既乌冬等左三分钟先可以比钱坐埋枱食饭。    我一开始食左两件天妇萝，胡麻鸡件几好食，好原创，不过两件天妇萝一d都唔热。之后食乌冬，汤味好浓，不过乌冬面质过冧。食完，慢慢张盘放返比餐厅。     今日依餐饭食物除左乌冬外，全部都系d已经煮好而且唔热既食物，服务方面，入餐厅就知唔会比多我，不过我觉得我行去点餐，店员问声我想要咩，总比今次，唔出声等我讲野好，而且如果我前面如果有十个人等点餐，我相信过乌冬都唔洗食，我比较喜欢用同价钱食到更好食既野或更好服务。