紅豆冰室

营业中

休息中

一：环境卫生一般。随便揾间茶餐厅打发时间，就入呢间茶记食啲野。安排独家村位置，旁边就摆住一箱箱既野饮，虽然但是一条人食野，顺便打发时间坐边都冇所谓啦。二：店员冇咩礼貌。我唔知系我理解能力差，定系我讲野有问题，定系香港文化变左，冻斋啡我以为真系斋咖啡，点知会有糖浆，真心好甜。饮落又酸又甜，要求换都正常啫。职员仲话你都冇讲，斋啡系咁架啦，你都冇话要走甜，咁你唔问多声我要唔要甜。而且店员会赶客，又冇人等紧位，我又未食完，你事先又冇话同限时间既，坐左一个钟多啲就赶人走，真心火都黎。麻烦请人离开态度好少少，感觉仲差过澳牛，sorry澳牛冇恶意。三：食物质素差。面包软冧冧，咸牛肉系酸左变质既，唔好懒落芝士度。嬲饱左，食唔晒我都冇咁好气换。以上只系个人酸言酸语，如有得罪并不会道歉，系咁。