好彩海鮮酒家 (已結業)

上星期六第一次喺好彩饮，认真麻麻！上到去七点几，酒楼入面都坐唔满，d侍应好似好忙咁，但系我又见唔到佢哋有咩搞紧，总之一起菜之后就连茶都无人冲，除咗上菜，好似要self-serve咁。一开始嘅烧味拼盘唔冻唔热，好奇怪！我最钟意食嘅乳猪烧到好㶶，搞到无咗松化嘅口感！d炸物炸到过晒火，搞到个表层劲硬，见到都唔想食！其余嘅嘢卖相同水准都一般啦！话明系汽水啤酒任饮(呢个应该系要再加钱的)，但系我唔明点解会无无气嘅橙汁啰，平时去饮一定有个㖞，唔得啰。咁嘅服务同质数，收人哋几千蚊一围，消费者应该会有更多更好嘅选择啰。