諾亞半熟蛋糕專門店 (已結業)

今晚去朋友屋企攞手信，无理由空手空脚去架，于是就谂到不如买个蛋糕去送比佢食啦。上次我自己试过伯爵红茶半熟蛋糕，觉得好好食又唔甜，又知道伯有钟意饮茶，一定岩晒佢口味。收工去左九龙城嘅诺亚买左个伯爵茶比伯有，而自己见到有啲卷蛋睇落几吸引，于是买左个京都抹茶溶心鲜乳卷比自己。其实我自己都有超过10年无食过卷蛋，因为细个阿妈买返嚟黄色果啲卷蛋，超难食，蛋糕又硬，忌廉又肥腻，我已经心生恐惧。但今次见到原来卷蛋都有咁多颜色咁吸引架㖞，作为一个为食家，点可以局限自己呢，于是就比个机会自己试下啦。盒身有建议食用方法，唔驶店员每个客逐个讲，讲完都怕自己唔记得，有写住就最好啦。食完饭无耐都未有时间攞定出嚟解冻，阿妹就话想食个卷蛋。表面睇落软棉棉好似条毛巾咁。切落唔怕因过软而切到烂晒，用把刀仔轻轻咁界下就得啦，睇下我切得都几靓呀但可能我地太心急食，无攞定出嚟解冻，所以未见溶心。呢个京都抹茶溶心鲜乳卷，蛋卷面软硬适中，淡淡嘅抹茶清香，里面好多忌廉兼有抹茶心，虽然见到咁多忌廉，但忌廉好柔软幼滑、轻盈唔腻、食落又怕甜，食完个卷都无油腻胀肚嘅感觉。唔钟意食甜嘢嘅人都可以试下，如能带出点点苦涩抹茶味、苦中带甜会更好，