南小館 (青衣城2) (已結業)

仲有一小时才够钟睇戏，想食少少嘢，又唔想行太远，去咗戏院楼下的南小馆，祇有一小时食饭，咁赶，原本冇谂住写这间食评，但唔想其他人都中伏，实在忍唔住，食咗一半都要影相，所以以下食物相片都系得一半的。见乳鸽做紧特价，先来一只试下。乳鸽唔算烧得太干，但实在油到出汁，滴出来的油做多个炒饭都唔会黐镬底。唔想食饭，所以叫咗个炒年糕，碟底嘅油，同样系炒多两碟都唔会黐镬。谂住加个砂锅云吞鸡，湿湿地，易啲入口，都系失望，相信一定系只油鸡🐔😂，汤面啲油多到以为师傅加咗油先煲只鸡，白色瓷羹清楚睇到每匙羹有三分一是油。😰唯一只有杯茶系较正常，虽然冲到好淡，但起码唔会入口都有油到心跳嘅感觉。下次睇戏前要食饭，行多两步去食个快餐都唔可以再考虑这店了，除非想增肥又唔怕三高啦。