飲吧 (已結業)

疫情期间都要四围见客，都冇乜店舖开，去PMQ黎黎去去都系酒吧咖啡，但竟然有间用粉红做主题既甜品，仲有All-day-breakfast咁贪心，满足到大胃既我地! 好，一于去试下！上网search下，原来系网红打卡甜品店，入去一睇，哗，真系好细心咁set好打卡位。咁一于点返杯饮品，影返几张靓相啦～我点果杯荔枝梳打，系老板娘推介，唔会死甜，啱啱好仲有荔枝香。我个生意partner就忙住打电话，饮品十分钟内就送上，但佢仲未倾完电话。店员仲会好细心咁雪住杯饮品先，等我个partner倾多半个钟电话先再送上，几好服务～ partner话个奶盖系靓野，同快餐店果啲无得比，识食既会识分，大家都点点头。呢近大家都留多左系屋企，其实有好多有心既店舖仲会为左街坊生意努力，提供多种选择，由饮品到而家有意粉，一路走来不易。我就好欣赏仲有坚持同执着既生意人，今日畀几廿蚊就学到人情味，又上左一课。