廚十三老壇酸菜魚 (譽發廣場) (已結業)

同朋友食生日饭，佢就拣左食酸菜鱼，我揾过呢一间厨十三老坛酸菜鱼系最多人推介，话晒生日梗系要拣番间好啲嘅嚟食啦😍麻辣砵砵鸡有劲多唔同嘅嘢，入面包括牛展，牛肚，牛脷，鹌鹑蛋，莴笋片，土豆片，鸡脚。呢个最啱同朋友share大家可以拣自己钟意嘅嘢食，麻辣味十分浓郁，全部配菜都好入味。碧绿脆笋爽脆又清甜，点都要食下啲菜嘅。葱油捞猪肚超香葱油味，猪肚口感十分之爽口。老坛酸菜鱼大大盘，超级抵食 。个朋友食完都觉得好正，我哋个个都一条骨都食唔到，真系啖啖肉，鱼肉仲好滑添。酸辣调节得啱啱好，仲要一啲油腻感都冇。