影片
更多
2024-08-03
4022 浏览
虽然系香港人，但唔系住系港岛区，所以真系要突登坐一个钟头巴士过去中环「连香楼」饮茶❤️究竟系有几钟意饮茶？🤣我谂而家仲有点心卡，仲会见到架点心车喺你身边推来推去，姨姨叔叔会话俾你知架点心车有啲咩点心，你要离开自己个位出去拎点心嘅茶楼真系一只手都数得出，买少见少！老实讲，我真系坐一个钟头巴士过去系饮「情怀」😌今日去系平日，下午2点左右去到，上到去即刻有个人招呼我哋去其中一张四人枱坐底咗，我之前有同屋企人嚟过，不过系装修之前，装修之后就冇嚟过，装修之后系真系坐得舒服好多，环境都新净好多👍🏻话说，我好想用个茶盅饮茶🥲但嚟到系正常嘅茶壶🫖，I人嘅我又唔敢问，有无人可以话我知点解?今日我真系好肚饿，无乜影相，净系拍咗片，基本上将啲食物扫晒落肚先醒起🤣真系I am so sorry！事后食饱先补返啲环境同点心车相，原谅我😆我哋今日食咗7个点心，分别系虾饺、烧卖、叉烧肠粉、蒸排骨、焗莲蓉西米布甸、炸鲜奶、酸菜猪大肠。虾饺、烧卖同蒸排骨系正路嘢，我唔特别讲。♦️酸菜猪大肠：佢系我第一次食嘅点心，酸菜佢系垫喺猪大肠嘅下面，好味👍🏻猪大肠调味都啱啱好，唔会有臭味，口感偏软腍，软腍得嚟又唔会令你觉得呕心♦️叉烧肠
虽然系香港人，但唔系住系港岛区，所以真系要突登坐一个钟头巴士过去中环「连香楼」饮茶❤️究竟系有几钟意饮茶？🤣
我谂而家仲有点心卡，仲会见到架点心车喺你身边推来推去，姨姨叔叔会话俾你知架点心车有啲咩点心，你要离开自己个位出去拎点心嘅茶楼真系一只手都数得出，买少见少！老实讲，我真系坐一个钟头巴士过去系饮「情怀」😌
今日去系平日，下午2点左右去到，上到去即刻有个人招呼我哋去其中一张四人枱坐底咗，我之前有同屋企人嚟过，不过系装修之前，装修之后就冇嚟过，装修之后系真系坐得舒服好多，环境都新净好多👍🏻
话说，我好想用个茶盅饮茶🥲但嚟到系正常嘅茶壶🫖，I人嘅我又唔敢问，有无人可以话我知点解?
今日我真系好肚饿，无乜影相，净系拍咗片，基本上将啲食物扫晒落肚先醒起🤣真系I am so sorry！
事后食饱先补返啲环境同点心车相，原谅我😆
我哋今日食咗7个点心，分别系虾饺、烧卖、叉烧肠粉、蒸排骨、焗莲蓉西米布甸、炸鲜奶、酸菜猪大肠。虾饺、烧卖同蒸排骨系正路嘢，我唔特别讲。
♦️酸菜猪大肠：佢系我第一次食嘅点心，酸菜佢系垫喺猪大肠嘅下面，好味👍🏻猪大肠调味都啱啱好，唔会有臭味，口感偏软腍，软腍得嚟又唔会令你觉得呕心
♦️叉烧肠粉：其实佢都系正路嘢，不过要提醒同我一样唔识芫荽嘅你🔔，佢系有芫荽嘅🫣🫣🫣
♦️焗莲蓉西米布甸：我觉得佢真系焗得啱啱好，入口热辣辣，可以食到西米嘅口感，布甸质地又好绵密浓厚，虽然见唔到莲蓉（唔知佢系咪太浅色？🤣），但系完全食到莲蓉味，总括系好味😋l like it!!!
👎🏻炸鲜奶：个奶系好味，但个皮淋哂，炸鲜奶好冻，好败笔🥲
最后想建议返，如果你都想嚟饮茶，⭐️建议可以早啲嚟⭐️。因为太晏先嚟，有啲点心已经唔再出🥲又或者冻哂，就好似炸鲜奶咁😭其实我仲好想食蛋散，但系我又好惊佢好似炸鲜奶咁，好惊又受伤害，所以放弃了！所以真心建议，想饮真系早啲嚟！
张贴
