常會面長今雞煲

营业中

休息中

约咗朋友即兴去食鸡煲，本身就去筲箕湾嘅锋记小炒王，点知一去到原来佢星期一休息，一场黎到冇理由打退堂鼓架。于是去咗隔离果间-常会面长今鸡煲 试下。 由于星期一冇咩人所以唔使等，即刻有得入。鸡煲店紧系叫鸡啦，本身谂住叫半只再加打边炉就算，店员话半只好细，会唔够食，于是听佢讲叫咗一只。佢比咗个桶我地摆鸡骨，都几好，一方面冇咁污糟，另一方面佢都可以做少啲。鸡煲黎到，店员帮我地整，一路煲紧果阵，啲麻辣味一路蒸出黎，几香，但闻得多会令到个鼻痕痕地。煲咗一阵，经间店员黎翻咗几次，之后佢话食得，开得餐！鸡好惹味，配料都几多，开头食唔系几辣，但有麻嘅感觉，之后越食越觉得辣，可能我挨唔到辣，朋友话冇咩嘢。食完个煲其实都有七八成饱，之后我地叫咗美国肥牛，贡丸同自家水饺。肥牛普普通通但索哂啲汁都好好味。贡丸都唔会有油膱味，几好食。水饺系自家制韮菜饺，系新鲜料包嘅，好好食。好友相聚紧系要啤一啤，店员话青岛有优惠，我地叫咗6枝青岛$98。佢啤酒全部都系细枝装。食辣野配啤酒加吹水一流。如果人多可以叫多啲野食，有机会会再黎。