大笪地火鍋 (已結業)

一去到感觉已经唔系咁好。我哋订咗枱九点半，要等到十点先有枱比我地。去到已经有好多国内人系度等紧位，冷气又唔够，好焗好逼。终于坐低咗，先发觉个场非常细，摆咗十几张大圆抬，加埋D卡位，又有两个海鲜玻璃柜，真系逼。加上D侍应又带点国内乡音，感觉好似返咗深圳食鸡煲咁。😓因为我哋钟意食鸡煲，所以就叫左一只鸡。但系个侍应就话你地两个人半只够㗎喇。就自把自为净系帮我哋落咗半只😵。𠮶一刻真系心谂有冇搞错！鸡煲嚟到，坚系大失所望！半只小春鸡，多骨少肉。花胶又少。真系同张相差好远😓我哋叫咗手切牛颈脊，$198，有牛味，好食。但唔大碟。鲜虾滑，1/3个拳头咁大，$78，唔新鲜。追加一碟手切安格斯，$168，完全无牛味，唔好食，很似食香口胶咁。仲有碟娃娃菜，唔新鲜，黄黄哋又有虫蛀嘅洞，无乜食到。仲有碟红薯粉，唔太似薯粉，似濑粉多D。淋pat pat, 唔好食。半只鸡，五样𩠌，埋单$897。结论就系:中伏了一句讲晒：唔会再返去食。