煙燻玉子燒 (已結業)

荃湾食街鲎地坊，香港闻名，小店林立，自然要去试下。咁多选择，系唔知决定食咩好姐。最后绕场一周，先食个紫薯玉子烧。$34/条即叫即整关系，加上是日人山人海，等个不亦乐乎，足足等左半个钟先有得拎。等左咁耐，系唔系咁好食先，即刻开餐啦仲等咩。咪住，店员话要等多3分钟先好食㖞，好我等。终于有得食啦，一打开，热气四散，闻到既唔系蛋香，系一阵人称烟熏味既味道汹涌而出，唔好讲咁多，食啦，咬落去真系好热好热好热(小心辣亲呀)，食落蛋味不算浓烈，味道偏甜，仲要唔够滑，好在佢都几有咬口，够坚挺。紫薯份量多又甜又香，好食过玉子，两样野放埋一齐，真系太甜，所以最后我决定分开黎食，先挑左的紫薯出黎食，再食玉子，得左。哈哈。食落唔差，但要34元先得咁既份量真系太贵啦，试下无妨，ENCORE就未必会啦。P.S 小街窄巷就唔好谂呢到有几好环境，系唔会有台架。