丼家和食 (已結業)

放工经过 见无乜人又装修几好就入左去，点知中左伏叫左个招牌刺身饭同招牌一口牛，个饭有三文鱼，海胆，带子，扮晒蟹柳，虾，$128鲜度尚可但份量太少，粒带子劲细粒，好唔抵食。最顶瘾系"招牌一口牛"串，$38得5粒仔，啲肉腌到无晒牛肉味，口感稔到烂，仲要加埋啲劲油既炸蒜系面，食完成口油忆味 ，好唔舒服。成间铺得两台六个人（加埋我），啲师傅可能年纪太轻，讲野多过做野，仲要大大声讲粗口，一啲都唔专业，整碗饭要成20-25分钟，大佬啲刺身切好晒，就咁铺系面都可以搞咁耐，真系吹胀。 楼面好似唔愿郁咁，坐埋角落，明明无乜人好得闲，都唔去装下茶，留意下客人需要。评语：如果想试新野，一定令你失望。