壽喜燒·肉屋

营业中

休息中

用餐时间1630，未入座得知只有一个圣诞餐可以选择，问我地介唔介意，第一感觉就系唔舒服，但你网上订位又要我地比左200蚊，唔食系唔系又要扣？心念费事麻烦就食啦，但决定入座时候，带位又话可以扫code另外单点加嘢食，咁即系有的选择？感受唔太好，一般。最基本简单服务又唔得，音乐又可以一时大声一时细声，连最后付款比钱都要自己攞信用卡嘟卡机，食放题都唔使你自己hold住嘟挂，系规矩还是懒到带埋卡机过黎，我唔理解。日本餐厅文化唔系应该好注重细节咩？可能系我自己要求太高了挂，可能午餐平平地试下就算了，我就唔会有下次了。至于餐方面，有一杯仔蘑菇清汤，甜品一个似忌廉蛋糕咁既嘢，牛一人有三块，同以下图片，餐味道正常，未去到好食，牛油脂系丰富，不过香唔香就个人睇法，我就觉得一般正常，整体我就觉得晚餐价钱唔抵食，可能午餐比较好挂。