影片
更多
2004-09-13
555 浏览
今晚一行八人来开饭，以为可品尝美味嘅北京烤鸭，点知...北京烤鸭等咗差多一个钟才送到，又再等约十分钟个待应片皮才有得食。以为鸭是刚刚烤好应该好香好脆啦，点知好失望。Ｄ鸭一Ｄ味都冇，而Ｄ皮就淋啤啤，一Ｄ都唔脆。好唔掂。宫爆明虾球嘅虾球几大粒同几爽囗，但系个汁就唔得，好稀而且唔好味。早知叫咸蛋王明虾球，可能会好Ｄ。砂碢云吞鸡嘅云吞馅实guk guk，好似唔系几新鲜咁。火腿津白好似好油腻咁。京葱爆牛肉系唔热嘅，唔知系咪汇丰咭优惠菜式所以质素差Ｄ呢？赛螃蟹唔知点解冇咗只蛋王系上面呢？高力豆沙冇错上桌时系好新鲜热辣，但食落去唔得松软，好多面粉好实。仿僐嘅高力豆沙好味好多喇！唔怪得知环顾四周仲有咁多吉位啦！埋单时待应送了两张$50现金卷，知道自己唔会再嚟，所以送咗比隔邻枱嘅外籍家庭，等佢哋即晚平番一百蚊。外籍妈妈频声答谢，益到人家搅到自己都好开心呀！
北京烤鸭等咗差多一个钟才送到，又再等约十分钟个待应片皮才有得食。以为鸭是刚刚烤好应该好香好脆啦，点知好失望。Ｄ鸭一Ｄ味都冇，而Ｄ皮就淋啤啤，一Ｄ都唔脆。好唔掂。
宫爆明虾球嘅虾球几大粒同几爽囗，但系个汁就唔得，好稀而且唔好味。早知叫咸蛋王明虾球，可能会好Ｄ。
砂碢云吞鸡嘅云吞馅实guk guk，好似唔系几新鲜咁。
火腿津白好似好油腻咁。
京葱爆牛肉系唔热嘅，唔知系咪汇丰咭优惠菜式所以质素差Ｄ呢？
赛螃蟹唔知点解冇咗只蛋王系上面呢？
高力豆沙冇错上桌时系好新鲜热辣，但食落去唔得松软，好多面粉好实。仿僐嘅高力豆沙好味好多喇！
唔怪得知环顾四周仲有咁多吉位啦！
埋单时待应送了两张$50现金卷，知道自己唔会再嚟，所以送咗比隔邻枱嘅外籍家庭，等佢哋即晚平番一百蚊。外籍妈妈频声答谢，益到人家搅到自己都好开心呀！
张贴