嚐 (已結業)

今日路过长发商场，因为午饭时间，所以睇睇有咩好食。路过见到呢间餐厅见好似系台湾菜，仲有最爱盐酥鸡所以就入去试试。入到去人唔多，可以自由拣位坐。午餐餐牌有几款，有台式日式西式感觉比较似茶餐厅咩都有。我点咗盐酥鸡配咖喱面捞面，虽然听个名好fusion, 有机会会好伏，但都照试下啦。个面嚟到同餐牌个样不符，卖相唔系几好。捞下个面发觉个酱汁偏杰身，闻到系啲日式咖喱嘅味道，食落偏甜，味道很一般，日式超市盒装加热的比较好食。面质一般。至于盐酥鸡 鸡扒薄身炸得好干，上面晒上七味粉。除了七味粉味食不到鸡味。服务态度OK 环境OK。不过呢个捞面真系唔好食，不推荐。