阿久根和牛立燒店 (已結業)

今日食咗个极上和牛定食，分量唔多，完全唔够饱，牛肉雪花量都算够，但食落冇乜牛味。另外两位朋友试咗二人餐，人生嘅牛比起一人餐大块，但系都一样冇乜牛味，牛脷烧出嚟仲要成块迫力皮咁样，口感好韧，好难咬。仲试咗佢嘅A5和牛刺身寿司，牛肉雪花咁就十足，但系完全冇牛味，同喺日本食嘅和牛寿司差好远，非常非常失望。舖头嘅座位只有八个，但成餐饭我哋都包左场，星期六午市都冇人食，入面嘅装饰明显地铺咗一层油，唔算好干净。初初烧嘅时候职员冇打开抽气机😒成个舖头烧到白蒙蒙咁。只收现金，唔系几方便。整体来讲一定唔会再试。