影片
更多
2022-07-17
329 浏览
刚行完柏架山，谂住食少少野再返屋企。行到入商场，俾个广告牌吸引咗，于是去帮衬。叫咗一份芋泥肉松蛋吐司（唔记得全名，因为返到屋企先写，但肯定餐牌写住j3)，再加多杯熟成百香。份吐司图文不符得好紧要，芋泥稀到滴落来，令到肉松湿淰淰……我食咗两啖，个口感真心食唔落去，交俾另一半夹硬哽埋佢。野饮就一般，留意返少甜少冰都仲系好甜下。讲返环境，门面好光猛，睇落几简洁干净。可惜，食野张枱就有少少黐立立。我地食完自行包好垃圾，仲抹埋枱。走嘅时候睇下店面有无垃圾桶啫，个店员即刻好串咁讲：「垃圾要自己掉架！」心谂，我个人企喺店外，只手都拎住哂d垃圾，又唔系就咁放喺枱面就走。店员态度非常有问题都算，卫生先系一大问题。佢前面d头发成日跌落来，用手整返上。用同一只手收钱，又用同一只手出野食俾人。佢有个窗口仔喺门侧边for送餐。我睇住佢行入去用返𠮶只手帮手整食物，期间无洗过手，非常唔卫生。我好少食野影相，好彩杯野未饮哂。等我可以拎到返屋企，影张相证明我有来过。补上野饮相一张
叫咗一份芋泥肉松蛋吐司（唔记得全名，因为返到屋企先写，但肯定餐牌写住j3)，再加多杯熟成百香。份吐司图文不符得好紧要，芋泥稀到滴落来，令到肉松湿淰淰……
我食咗两啖，个口感真心食唔落去，交俾另一半夹硬哽埋佢。
野饮就一般，留意返少甜少冰都仲系好甜下。
讲返环境，门面好光猛，睇落几简洁干净。可惜，食野张枱就有少少黐立立。
我地食完自行包好垃圾，仲抹埋枱。走嘅时候睇下店面有无垃圾桶啫，个店员即刻好串咁讲：「垃圾要自己掉架！」心谂，我个人企喺店外，只手都拎住哂d垃圾，又唔系就咁放喺枱面就走。
店员态度非常有问题都算，卫生先系一大问题。佢前面d头发成日跌落来，用手整返上。用同一只手收钱，又用同一只手出野食俾人。佢有个窗口仔喺门侧边for送餐。我睇住佢行入去用返𠮶只手帮手整食物，期间无洗过手，非常唔卫生。
我好少食野影相，好彩杯野未饮哂。等我可以拎到返屋企，影张相证明我有来过。
补上野饮相一张
18 浏览
0 赞好
0 留言
张贴
