影片
更多
2021-07-20
633 浏览
泰国菜喺香港都好常见，普通嘅泰国菜都食得唔少，但今次呢间泰国菜个名叫做SAYAM Thai/Bar，第一次见泰国菜可以同Bar扯上关系，好似好特别咁，今次就嚟食下啦。平时除咗食茶餐厅同埋快餐店之外，好多时去餐厅食饭都要比+1服务费，估唔到呢间竟然唔使，听老板讲原来系因为美国𠮶边啲餐厅通常都唔收服务费，老板想keep返呢个文化，所以就唔收。本身计开婆仔数嘅我，听到呢样野就即刻好开心，觉得自己悭咗几十蚊。Tom Kha Gai $84今日打风，所以天气转凉，想饮番啲暖野，就一人叫咗一碗汤。呢碗椰汁鸡汤饮落有少少冬阴功嘅酸味，啲鸡肉粒好重鸡味，又有啲椰汁香，饮落唔会好腻，几好饮。Tom Yum Kung $84呢碗冬阴功汤亦都出色，有好大只虎虾系入面。饮完汤之后，成个人暖返少少。Yum Sumo $128柚子沙律入面有好多柚子，食落好清新，配埋炸洋葱好香。呢个沙律仲有好多只大大只嘅带子，足料。Tiger Prawn Peppercorn $288呢个嘅中文系烧虎虾配黑胡椒汁，食落有啲中式豉椒嘅感觉，都几特别。仲有好多米粉卷成一嚿嚿咁喺旁边，系一个几少机会试到嘅菜式。虎虾有三大只。Bangko
平时除咗食茶餐厅同埋快餐店之外，好多时去餐厅食饭都要比+1服务费，估唔到呢间竟然唔使，听老板讲原来系因为美国𠮶边啲餐厅通常都唔收服务费，老板想keep返呢个文化，所以就唔收。本身计开婆仔数嘅我，听到呢样野就即刻好开心，觉得自己悭咗几十蚊。
Tom Kha Gai $84
今日打风，所以天气转凉，想饮番啲暖野，就一人叫咗一碗汤。呢碗椰汁鸡汤饮落有少少冬阴功嘅酸味，啲鸡肉粒好重鸡味，又有啲椰汁香，饮落唔会好腻，几好饮。
Tom Yum Kung $84
呢碗冬阴功汤亦都出色，有好大只虎虾系入面。饮完汤之后，成个人暖返少少。
Yum Sumo $128
柚子沙律入面有好多柚子，食落好清新，配埋炸洋葱好香。呢个沙律仲有好多只大大只嘅带子，足料。
Tiger Prawn Peppercorn $288
呢个嘅中文系烧虎虾配黑胡椒汁，食落有啲中式豉椒嘅感觉，都几特别。仲有好多米粉卷成一嚿嚿咁喺旁边，系一个几少机会试到嘅菜式。虎虾有三大只。
Bangkok Spaghetti $128
呢个系秘制泰式海鲜意粉，好似西式同泰式嘅fusion咁，都几特别。海鲜都几多，有虾、好多鱿鱼同埋蚬，豪不吝啬。
Kao Pad Poo $128
呢个蟹肉炒饭食落啖啖蟹肉丝，旁边仲有个汁可以自己加落去，食落几有镬气。
Virgin Pattaya Night $78
Guava juice, lime, cucumber, lemongrass, thai mint
呢杯mocktail卖相一流，饮落亦都非常清新。少少酸酸地好开胃，同时就算一路食嘢一路饮都会觉得几夹。
Virgin Taste of Maya $78
Orange, pineapple, butterfly pea flower, sprite
呢杯系朋友饮嘅，我成日觉得逢系有蝶豆花嘅饮品，颜色都会好靓，呢杯都唔例外。朋友话呢杯好好饮。
张贴
