瑞記咖啡

营业中

休息中

喺openrice见到好多人推介，所以自己一个胆粗粗嚟咗熟食中心试，第一次嚟，行咗两个圈先揾到间餐厅。之后搭枱坐低就嗌咗个餐蛋面、西多同一杯热咖啡。餐蛋公仔面好快就上咗，但对于我嚟讲唔算有咩特别。午餐肉唔系话煎得香口或者外脆内软；而蛋都系求其煎到熟透，公仔面就ok la, 软硬适中。至于杯咖啡亦唔系特别香，我觉得奶直头多咗，无落糖都觉得好甜同好涩口。坐咗好耐都仲未有西多，原来系漏咗单，唯有继续等。终于都到，我完全唔明白佢有咩咁吸引，冇错，系新鲜煎，但系连蛋浆都冇搽匀成块面包又点算系西多呢。仲要系炸得唔够耐，得条边脆，入面都真系林嘅面包口感，唔讲以为系佢独特嘅西多煮法。咁就食咗$70，个人认为只系一间普通嘅茶记，无咩值得话必去之类。