Be Leaf (已結業)

呢个食评hold左好耐先打，𠮶日系214情人节见佢内部装修唔错，谂住啲嘢可能真系都好好食，Menu形容食物都几好，成个set Menu两个人加埋几乎过千蚊。虽然入到去，装修十分之靓，但系服务员态度十分之恶劣，尤其是个经理，成餐需要10%服务费，但系成餐我feel唔到有任何service，啲人起咗餐就走咗连杯水都冇上俾我哋，要举手先俾到，如果每位人头$500嘅餐厅，都做唔到casual Dining嘅话，根本就系一间差既餐厅。关于𠮶晚嘅所有食物，我可以好负责任咁讲，冇一样嘢系好食嘅，杯水最好饮。佢哋Menu形容什么自家制同埋其他形形色色嘅形容词，都系掩盖唔到佢哋啲嘢难食，厨房根本冇认真整过啲食物俾人食。$500嘅话，我宁愿食10转车仔面。呢间嘢啲嘢食摆盘系靓，但完全冇用份量又少嘢又唔好食，撞正情人节我同女朋友食到都嘈撚晒。我唔明点解佢喺OpenRice有咁多正评，影张靓相就话好好食。之后到咗情人节圣诞节等等，就整嘢食整劲难食。Btw，舖头出面有露天位置，十分之不建议坐喺𠮶度，因为出边系巴士站，咁你就可以食住尘食嘢。希望大家唔好俾啲正评蒙蔽双眼，我祈求呢个食评可以少啲人踩呢个大雷。