新匯聚打冷小廚 (已結業)

啲野食本来就唔太好食，仲要食到头发，但睇在男服务员服务都几唔错，我哋都无投诉，但带眼镜的收银女仕服务态度超差，我哋叫左个椒盐鱿鱼嘴，超过30分钟唔黎都唔紧要，我男朋友叫佢帮忙check 下，话如果无落单就算啦唔要，跟住佢返黎劲串嘅态度同我讲「系阿，厨房漏单，一系你转叫其他小菜啰」我话咁我唔要啦，佢极爽快咁话「咁取消啰」就火速走左，我越谂越唔对路，我叫返佢返黎话「你哋漏我单，唔系应该即刻帮我整返咩？」佢串我「系呢位先生话漏单就唔要」吓？咁你又点解要叫我叫小菜？最后行出去埋单时黑口黑面好似我哋欠左佢咁。讲返食物方面，卤水完全唔够味，鹅韧到唔知食紧乜，猪耳煮得不够火喉且有猪骚味，红肠用cheap货，豆腐系冻豆腐又唔入味又无豆味，墨鱼口感超削，唯一猪肠够干净谂住揾酱汁补救，点知蒜醋无醋味，辣椒油唔香又唔辣 其他都费事浪费时间讲，最好咪就系麒麟！