影片
更多
2022-08-12
165 浏览
网上睇到好多人讲呢间饺子店好好食，劲人气，亦都好多人讲一定返转头再食，就梗系要试吓啦！虽然落好大雨，去到时见到10几人排队嘅状况，我叫外卖，职员话15分钟左右有，最后大概25分钟先攞到。今次叫咗双并汤饺（$46），试咗共4款饺子，再试晒两款汤，外卖有跟醋同菜脯。见到有comment 话饺子好大只，我觉得系几饱满嘅，但size 嚟讲算正常，未至于有荃湾饺子屋咁大只咁重手咁劲足料。🍴京葱羊肉饺呢个系4款饺子入面最好食嘅，味道比较突出，羊膻味孜然味啱啱好，非常惹味浓郁，不过搅笑嘅系，双并supposed to be 系有5只，但最好味呢个就得4只！🍴香芹芫荽猪肉饺呢个系第二好味，香芹芫荽令饺子比较香口同埋有口感，猪肉味相对唔算好够味。🍴椰菜冬菇云耳猪肉饺食得出云耳味同口感，冬菇味冇咩，食咗呢个就知道猪肉味唔够，因为呢款比起香芹芫荽淡味，但如果呢款都食唔到猪肉味，可能系调味不足，整体上呢款系正常！🍴洋葱薯仔牛肉饺呢个系4款入面最差嘅，有少少莫名其妙，完全食唔出牛肉味，洋葱味都欠奉，只系食到薯仔味！🍴汤底 - 番茄薯仔汤及鸡汤试晒两款汤底，好多人话佢嘅番茄薯仔汤好正，系要成碗饮晒！我一试，完全唔
虽然落好大雨，去到时见到10几人排队嘅状况，我叫外卖，职员话15分钟左右有，最后大概25分钟先攞到。
今次叫咗双并汤饺（$46），试咗共4款饺子，再试晒两款汤，外卖有跟醋同菜脯。见到有comment 话饺子好大只，我觉得系几饱满嘅，但size 嚟讲算正常，未至于有荃湾饺子屋咁大只咁重手咁劲足料。
🍴京葱羊肉饺
呢个系4款饺子入面最好食嘅，味道比较突出，羊膻味孜然味啱啱好，非常惹味浓郁，不过搅笑嘅系，双并supposed to be 系有5只，但最好味呢个就得4只！
🍴香芹芫荽猪肉饺
呢个系第二好味，香芹芫荽令饺子比较香口同埋有口感，猪肉味相对唔算好够味。
🍴椰菜冬菇云耳猪肉饺
食得出云耳味同口感，冬菇味冇咩，食咗呢个就知道猪肉味唔够，因为呢款比起香芹芫荽淡味，但如果呢款都食唔到猪肉味，可能系调味不足，整体上呢款系正常！
🍴洋葱薯仔牛肉饺
呢个系4款入面最差嘅，有少少莫名其妙，完全食唔出牛肉味，洋葱味都欠奉，只系食到薯仔味！
🍴汤底 - 番茄薯仔汤及鸡汤
试晒两款汤底，好多人话佢嘅番茄薯仔汤好正，系要成碗饮晒！我一试，完全唔觉佢系番茄薯仔汤，冇番茄味冇薯仔味，只系似有颜色嘅水，饮咗两啖完全可以放弃！鸡汤亦都冇咩鸡汤味，我唔知道系因为佢专登做到好淡唔想盖过饺子味，定系今次失准？我相信如果系盲测，饮完都应该估唔到系咩！
菜脯系好味嘅！
试完之后，唔太理解到点解会有人讲呢间饺子系世一，亦都唔明点解咁多人排队，整体上只系属于正常，冇咩突出，亦未算难入口，基本上唔会回头再食！
张贴
