新景園咖喱小廚

营业中

休息中

住咗喺湾仔十几年，差不多每日都经过春园街，但从来都冇谂过要去呢间舖头食嘢。近期见好多人喺呢间舖头未开门就开始排队，令我觉得自己系咪走咗宝呢？听人讲呢度有两个招牌菜，一个系干炒牛河，另一个系咖喱猪扒饭，于是就同朋友去试，叫咗呢两个所谓嘅招牌菜，结果系失望嘅。首先，中午食饭时间上菜上得非常非常之慢。干炒牛河十分多油，上色唔错，但可以用唔够味去形容。河粉炒唔开。牛肉系算多同大片嘅，但味道过咸，整体绝对唔属于好食。咖喱猪扒饭嘅份量非常之大，猪扒厚度适中，炸得好Juicy，属于做得好。咖喱并非马来亚咖喱或传统港式咖喱，味道唔错但并非我口味。其实最大问题系份量过大，眼见绝大部份客人都冇办法食得完。其实一个咖喱饭要$98属于唔平，点解唔将份量改细啲收平啲呢？再加上呢间舖头嘅每人最低消费系$80，冇可能两个人叫一碟咖喱饭食。我觉得呢间舖头做生意嘅理念有问题…..冇谂过再帮衬佢。