農米莊 (豉油街)

营业中

休息中

行到嚟旺角唔知食乜，突然间谂起朋友以前有推介过呢间农米庄，话佢嘅汤底唔系一般嘅味精汤，仲系可以成碗饮晒既。见到佢价钱又唔贵，一于同男朋友试下！室内装修就不过不失，不过座位好挤迫，而且拉椅子嘅时候好容易会kick到地毡，所以要好小心。而且店员态度都唔系咁好，我嘅右手边坐咗一台年轻人，佢哋食完之后店员就即刻赶佢哋走，话出面有好多人等位，我就觉得咁样好冇礼貌😥讲返食物男朋友叫咗个怀旧药膳鸡汤米线，无辣不欢的我就叫咗个麻辣鸡汤米线，男朋友话佢𠮶个味道比较淡，而我嘅麻辣鸡汤米线就冇乜特别，不过啲鸡系好滑既。我见我男朋友果碗同坐我对面果2个女仔嘅米线啲鸡都系好多肉，而我𠮶碗就好多骨😓所以我觉得呢间米线真系好普通。