手作餃子專門店 (荔枝角道) (已結業)

喺太子忙完已经系食饭时候，唔系太肚饿但想食少少野先返屋企，上网揾到呢间小店，近近地行过去试下舖面唔大最多坐到廿个人，座位与座位之间几逼，而且冇冷气，天时热会食得有啲辛苦，喺咁样嘅环境都坐满人，呢间舖头或者有过人之处想一次过试晒四款饺子就要嗌什锦汤饺系列，但我想食猪红，于是叫咗优惠套餐，六只鲜虾海鲜饺+滋味滑猪红汤饺一到，发现猪红系直接加喺汤里面，用匙更巡咗个圈，得四粒..呢四粒猪红等同一碟油菜，奉劝各位嗌其他（平心而论，猪红味道唔差，质感结实，但非常唔抵食）鲜虾海鲜饺，皮厚有𡁻口，馅料以虾、韮黄同(相信系)肉末为主，但完全食唔到肉嘅质感，口感稔滑似食咗大堆韮黄沟粉浆，外加每只饺里面有一只细小嘅虾。有个小惊喜系馅料里面加咗姜末，食落去尚算清新汤底标榜系用淮山花胶猪骨老火靓汤，从汤渣嚟睇见到猪肉、红萝卜、黄豆、薏米，都算甜，饮晒成碗汤唔会觉得特别口干每一份饺子都会跟一碟菜甫，菜甫爽脆，虽然沟咗葱同辣椒，但呢几样野嘅味道完全系分开架，加埋一齐食总算挽救返饺子嘅败笔虽然个汤还好，但作为主角嘅饺子完全唔得，呢种质素收咁嘅价钱，唔会再食