影片
更多
2023-03-26
73 浏览
星期日同屋企人出街食lunch，顺路又见到呢间喺OpenRice 上面有唔少好评，所以就拣左嚟食，但食物质素同整体感觉都好令人失望。😢首先一坐低感觉已经唔太好，个店员系揸住餐具嘅头（即系我哋用嚟夹𩠌同埋放入口嘅位）放低喺我哋面前嘅，睇见都唔开胃，呢啲咁基本嘅问题系绝对能够避免嘅。☹️我哋叫左四个lunch，分别系大虾冬荫功汤粉、清莱白咖喱鸡饭、泰北咖喱鸡手作面同埋海南鸡饭（油饭)。啲食物嘅份量偏细，如果空肚嚟，会够饱但未必食到满足。1. 泰北咖喱鸡手作面 $82先讲泰北咖喱鸡手作面，啲鸡肉系煎嘅，劲细粒，得menu上面嘅一半大小，而且有几粒嘅边煎㶶晒。啲手作面不过不失，但咖喱太辣，食得有啲辛苦。2. 清莱白咖喱鸡饭 $70餐厅用咗一只好浅嘅碟装住啲咖哩同鸡，白饭分开上。咖喱偏稀，好难𢳂之余，卖相亦不讨好，但味道整体ok。3. 海南鸡饭（油饭) $83海南鸡饭占咗menu一大半，个伴汤有豆腐、菜、草菇同埋肉片，睇落几吸引，就叫咗个嚟试。但实情系，个汤并冇草菇同菜，得几块肉片，面头亦浮咗一层油，如果有返多少菜去衬托点缀会更好。而且鸡肉口感好韧，食过咁多海南鸡饭，最韧嘅就系佢⋯ 🥵4. 大虾冬
首先一坐低感觉已经唔太好，个店员系揸住餐具嘅头（即系我哋用嚟夹𩠌同埋放入口嘅位）放低喺我哋面前嘅，睇见都唔开胃，呢啲咁基本嘅问题系绝对能够避免嘅。☹️
我哋叫左四个lunch，分别系大虾冬荫功汤粉、清莱白咖喱鸡饭、泰北咖喱鸡手作面同埋海南鸡饭（油饭)。啲食物嘅份量偏细，如果空肚嚟，会够饱但未必食到满足。
1. 泰北咖喱鸡手作面 $82
先讲泰北咖喱鸡手作面，啲鸡肉系煎嘅，劲细粒，得menu上面嘅一半大小，而且有几粒嘅边煎㶶晒。啲手作面不过不失，但咖喱太辣，食得有啲辛苦。
2. 清莱白咖喱鸡饭 $70
餐厅用咗一只好浅嘅碟装住啲咖哩同鸡，白饭分开上。咖喱偏稀，好难𢳂之余，卖相亦不讨好，但味道整体ok。
3. 海南鸡饭（油饭) $83
海南鸡饭占咗menu一大半，个伴汤有豆腐、菜、草菇同埋肉片，睇落几吸引，就叫咗个嚟试。但实情系，个汤并冇草菇同菜，得几块肉片，面头亦浮咗一层油，如果有返多少菜去衬托点缀会更好。而且鸡肉口感好韧，食过咁多海南鸡饭，最韧嘅就系佢⋯ 🥵
4. 大虾冬荫功汤粉 $88
冬荫功汤粉味道正常，唯独系份量真系好细碗，个人觉得唔值$88。
5. 泰馆特调配奶茶雪条 +$38
见到有好多人推介泰式奶茶，见到menu最底有个「泰馆特调配奶茶雪条」几新奇吸引，就加$38试试。呢个饮品将奶、茶同埋雪条三样分开上，首先试咗一啖雪条，一开头食落得啲云尼拿/奶味，食咗几啖先有好淡嘅奶茶味。奶同埋茶喺室温上嘅，亦冇加甜，谂住摆多阵、雪条溶咗会令到杯奶茶冻啲、易入口多啲，谁知个雪条喺剂过、放好耐都唔溶𠮶只，食完成餐饭都只溶得一半，冇令到杯奶茶甜啲同冻啲，如果有额外上糖水，或者先雪藏奶茶会更好。
本身冇谂住写食评，所以都冇咩影低相，但越食越一肚气，觉得唔值OpenRice上面嘅二百几个好评，所以决定写返篇负评，以正视听。🤨
泰国特调雪条奶茶
7 浏览
0 赞好
0 留言
张贴
