古早味休閒台灣 (已結業)

系OpenRice 见到咁多人like，自己都几钟意食台式野，有小小期望，就叫左朋友陪我试下。晚上七点钟左右都不算太多人，一去到就有位。睇一睇menu，啲𩠌都偏贵，七八十蚊。但香港地，咩都贵架喇，都算可以接受。但啲𩠌黎到之后我就觉得好唔值，味道唔好，又细碟，唔明白点解咁多正评？呢个海鲜粉丝煲，首先得一只男性手掌咁大既煲，份量好小，继而得两只虾同两粒鱿鱼，啲粉丝唔弹牙，完全系失败之作。无谂过呢个菜竟然系最好食，但系都系无蒜香味，又炒得唔够林，佢好味只系因为菜本身够好食，并唔系煮得好食。花雕鸡都可算系经典，完全无花雕味。鸡有十令旧，但好细旧，又系劲细碟，最神奇既地方系啲鸡完全无味架！明明啲汁咁浓，但啲鸡一啲都唔入味，鸡又无鸡味，大为失望。呢个仲得一惊，副图同碟野完全唔同样既？我真心以为黎错，突登问多次侍应呢碟咩黎？又系得两粒细鱿鱼同两只虾，啲虾仲要系苺架！救命，呢一碟真系好惊吓最后我怀疑我地唔识叫，人地都系叫面食多，都有人叫𩠌既，但都系叫盐酥个啲。唯有怨自己无做足功课。