浜焼き (已結業)

二人前每位$850-前菜：睇食评唔系蟹肉沙律就系牛肉沙律，但去到得净沙律，有少少失望。净沙律味道正常。-刺身几新鲜～由于本身唔好海胆，询问过后员工表示可以换帆立贝，可以因应客人需要呢点几好。但上枱系一粒好细既帆立贝对半切，而且唔新鲜。-浜烧：龙虾系拼盘中最出色，上枱仲系咁郁，食落都好鲜甜，调味适中。但其他都好普通，有一只蚬非常腥，另一只正常🤔帆立贝都系唔新鲜，食落唔鲜甜同嚡口。蟹盖唔错，几香口，但其实唔系好衬pringles。-虾饼正常，同个酱几挟。-黑松露杂菌，系咁多样入边最失望既一道。照计好难失手，但食落又苦又涩。落得太多酒？-烧鱼同和牛都可一试，鱼够香口鲜甜，和牛几嫩滑，唔错。-最后有个锅物，乜都有啲，有豆腐、鸡肉、菇等等。最后黎一碗热汤类既野几舒服，但味道好普通。-结论系大部分菜式味道都普通，主打烧海鲜，但食材并唔系好新鲜。服务质素都系中等，食食下头上既冷气突然教大左好多，好大风，啲烧物迅间冻哂☹️想请员工帮手调翻高少少，叫左五分钟都冇人理🤦🏻‍♀️ (人手充足，铺面唔大但都有七八个员工)。呢个价位值唔值就真系见仁见智，个人认为set既性价比低，散叫可能更好。