山景閣

营业中

休息中

朋友约我去食这处的下午茶自助餐，所以之前即上这个网睇下先，见都有几位好强烈地称赞这处又平又好食。虽然我都知72元，唔慌有太名贵野食，但24/5食完后，真系79元(加一后)都赔给这食肆。食物选择好少，唔敢话有刺身，连寿司都好差，d饭好"淋"。热的食物只有小笼包、烧卖、卤水鸡翼(见到都唔想食)、香肠、焗吞拿鱼薯蓉，和一款类似无钖骨咁，一d好平价的食物，无款好d的热食，连可以饱肚的炒粉面饭都欠奉，又无菜。生果只有西瓜和木瓜，都有一d 饼仔 (唔系靓酒店蛋糕) ，汤又无，只有一煲有鱼肉的粥，行一次，已经无野吸引想食。唯一好少少的，有一款台湾牛肉面可供填肚(但面质都系好"淋"，唔好食)，但每碗只有两片牛肉供给 (我相信他不会俾一碗净牛肉过我吧)。我宁愿去一间普通餐厅食过好d 的午餐，79元都有找。