野菜咖喱事務所 Curry Man (已結業)

同朋友约喺葵兴站等，经过外面大马路，见到有一间门口好细，外面得四五张枱嘅餐厅，其余任何摆设都冇，但系见到佢枱面痴咗文宣，就忍唔住坐低咗。呢间小店专系食日本咖喱，款式唔算多，基本上全部都系日本咖喱饭，只系可以选择唔同嘅配菜，有杂菜有牛肉有猪软骨有蜜糖鸡扒，我挣扎咗好耐猪园骨定鸡扒好，最后都拣咗鸡扒。佢上碟个卖相非常之好，未放入口啲咖喱闻落已经好香，份量都非常足够，用嘅系日本米，好软熟，捞埋咖喱汁食非常好味，佢鸡扒煎得唔错，用咗蜜糖甜甜地，鸡皮煎到非常香脆，鸡肉唔会煮到太老，够晒juicy，跟餐仲会送一杯低糖绿茶。价钱都唔贵，平民化，值得推荐。