吉野家 (已結業)

同朋友系铜锣湾番工，到3点左右放lunch所以想系附近揾间近近地嘅餐厅解决，大家倾过之后发现大家都好耐冇食吉野家，所以就决定系吉野家食个tea。朋友嗌左个牛肉米粉下午茶餐，餐厅会将米粉同埋牛肉分开装，米粉入面主要会有海苔同埋木鱼丝。汤底比较清淡，所以木鱼丝同海苔嘅重要性非常大，因为佢可以令汤底冇咁单调。牛肉量下午茶餐黎计都叫可以接受，如果好肚饿嘅朋友，我会建议可以叫平时多叫嘅牛肉饭会比较饱肚。而我就叫咗个牛肉乌冬下午茶餐，佢同米粉唔同，牛肉会直接放喺乌冬上面。另外乌冬亦都会有狮子狗同日式鱼蛋，比米粉会有更多嘅配料。汤底方面，乌冬汤底会比米粉浓郁，而且乌冬唔会煮得太耐而无咬口。牛肉就有正常水准，浓味而唔会太咸。下午茶餐黎计，30蚊左右可以叫到一个米粉或者乌冬，系打工仔之选！