小火焰韓式咖啡廳 (金山樓) (已結業)

早几日食完韩国餐，但因为太饱无食到炸鸡，一直都心挂挂，今日竟然俾我经过见到，今次咪走鸡啦😂🍗韩式甜辣年糕炸鸡 (半份 $108)太开心啦，炸鸡仲可以拼年糕，唔单只可以食炸鸡，仲可以食埋我嘅至爱年糕。烟韧嘅年糕只得几条，唔洗惊太多会食滞；呢个甜辣汁很浓味，亦够浓稠，鸡件轻易沾满，每啖入口都让味蕾开花。甜味令人垂涎；而辣度亦有点刺激(利申:本人不嗜辣的)，非常滋味。 🍺啤酒 $30)韩剧教懂我的事: 吃炸鸡，一定要配啤酒。要赞餐厅，啤酒唔会提供冰块，但会提供冰杯，十分贴心，尝到冰冻啤酒，同时不会因冰块溶掉而影响啤酒味道。 🥗韩风石板炒野菜 ($78)有椰菜、洋葱、杂菌、翠玉瓜、灯笼椒，面层更洒上芝麻，上枱时已闻到很香，入口就觉得非常惹味，亦是一道很好的送酒菜。难怪每次经过都见到唔少人等位入坐，味道不错的韩式餐厅。如果人多，餐厅有唔少套餐提供，价钱几抵。